Қоғамдық ұйымдармен байланыс, 2022-2023 оқу жылы
Н.Байғанин атындағы облыстық балалар кітапханасында кіші жүз ханы, қолбасшы Әбілқайыр ханның туғанына 330 жыл толуына орай “Текті елдің батыры” атты тарих сағаты өткізілді. Біздің МИК-дің 9“Ә” класс білімалушылары мен кітапханашы Отыншина А.У. қатысып, құнды ақпараттармен сусындады.
Сонымен қатар шараға Ақтөбе облысында айтыс өнерінің дамуына үлкен үлес қосқан айтыскер ақын, Л.Н.Гумилев атындағы Еуразия ұлттық университеті мәдениеттану ғылымының докторанты, “Мұра” ғылыми-зерттеу институтының директоры Есентүгел Аманкелдіұлы Әзи және М.Құсайынов атындағы балаларға арналған мамандандырылған мектеп-интернатының тарих пәні мұғалімі Базаргүл Ғабидоллақызы Сейтенова қатысты.
2023 жылдың 13-ақпанында қалалық “Геолог” мәдениет үйінде Кеңес Одағы әскерлерінің Ауған жерінен шығарылғанына 33 жыл толуына орай “Өшпес ерлікке – мәңгі тағзым” атты Ауған соғысы құрбандарын еске алу кеші өтті. Шараға Ауған жерінде өткен зұлмат соғыстан аман-есен оралған ауған соғысының ардагері, Құрмет орденінің иегері, “Ер-Бақыт” спорттық клубының төрағасы, Жемқорлыққа қарсы ақпараттық-ағартушылық штаб мүшесі Қойлыбаев Марат Айтуғанұлы кеш қонағы болды.
Дәстүрлі түрде “Геолог” МҮ бірге өткізілетін бұл құнды кездесу – біздің жас спортшылардың париоттық рухын көтеруге, жігерлендіруде, ер азаматтық қасиеттерін қалыптастыруда ерекше орын алады.
7”А”, 7”Ә” класс білімалушылары кездесу барысында көкейлерінде туындаған сұрақтарын қойып, белсенділік танытты.
Сонымен қатар кеш қонақтары Алтын алқа иегері, “Мерейлі отбасы” байқауының республикалық жеңімпазы, ҚР құрметті азаматы, Патриоттық белсенділігі үшін медалінің иегері, “Ұлағатты ұстаз” төсбелгісінің иегері, Елеулі еңбегі үшін медалінің иегері, Қазақстанның ең үздік әйелі орденінің иегері, тәжірибелі медиатор және педагогы Әбілдаева Бибігүл Әбдішүкірқызы мен Ауған соғысының ардагері Каракулов Кувандык Мадиұлы сөз алып, жастарға пайдалы ақыл-кеңестерін айтты.
АҚТӨБЕ ОБЛЫСЫ ӘКІМІ ЕРАЛЫ ТОҒЖАНОВ ЖӘНЕ UFC ЖАУЫНГЕРІ ШАВКАТ РАХМОНОВПЕН КЕЗДЕСУ.
Ақтөбе қаласында «Ақтөбе – мүмкіндіктер мекені» жастар форумы аясында облыс әкімі Ералы Тоғжанов және UFC жауынгері Шавкат Рахмонов өңіріміздің спорт саласы бойынша облыс атын әлемдік деңгейге паш етіп жүрген жас спортшыларымызбен кездесу өткізген еді.
Бұл кездесуден Есет батыр атындағы ОРОММИК спортшылары да құр қалған жоқ. Аталған тұлғаларға өзекті сұрақтар қойылып, еркін форматта ерекше сұхбаттың куәгерлері болып қайтты.
АИТВ-ның таралу жолдарын ескертіп ,мәлімдеме беру АИТВ жұқтыру
қауіпсіздікгінен сақтануды түсіндіру мақсатында “АИТВ жұқпасының алдын алу”тақырыбында ЖИТС орталығының маманы Матаева Мерует Канатовна Есет батыр атындағы ОРОММИК 10-11 класс оқушыларына дәріс өткізді.
2022 жылғы 8 желтоқсанда Н.Байғанин атындағы облыстық балалар кітапханасы Тәуелсіздік күніне арналған «Тәуелсіздік – бастауы бар бақыттың!» патриоттық акция ұйымдастырды.
Шараның мақсаты: балалардың рухани мәдениетін байытып, туған елі мен жерін қастерлеуге тәрбиелеу; балалар әдебиетін насихаттау; балалардың білімге құштарлығын арттыру.
Кітапхананың белсенді оқырмандары ретінде біздің Есет батыр атындағы олимпиада резервінің облыстық мамандандырылған мектеп-интернат-колледжінің білімалушылары және М.Құсайынов атындағы дарынды балаларға арналған мамандандырылған лицей-интернатының, Б.Момышұлы атындағы №62, №45, І.Есенберлин атындағы №15 орта мектептерінің оқушылары қатысты. «Жарқыра, жанған күндей Тәуелсіз ел!» мерекелік бағдарламасы ұйымдастырылып, біздің білім ордамыздың 7 “А” класс білімалушысы, теннис бөлімінің спортшысы Асанов Нұрасыл мен 7 “Ә” класс білімалушысы таеквондо бөлімінің спортшысы Мейрам Самғат өнерлерін ұсынып, Мұқағалидың патриоттық өлеңдерін оқыды.
Сонымен қатар, жас патриоттар назарына «Тәуелсіздік – баға жетпес байлық» атты кітап көрмесі ұсынылып, библиографиялық шолу жүргізілді.
ТАҒЫЛЫМЫ МОЛ КЕЗДЕСУ
Бүгін біздің білім ордамыз Есет батыр атындағы ОРОММИК-не бокстан КСРО спорт шебері, Қазақстанның еңбек сіңірген қайраткері және бірнеше спорт шеберлерін дайындап шығарған, яғни екі дүркін Азия чемпионы, Олимпиаданың қола жүлдегері Болат Ниязымбетов, екі дүркін Әлем чемпионы, Олимпиада чемпионы Серік Сәпиев, Олимпиада чемпионы Бақыт Сәрсекбаев, Әлем чемпионы Ердос Жаңабергенов, Олимпиада ойындарының қола жүлдегері Еркебұлан Шыналиев, Олимпиада чемпионы Бахтияр Артаев және әлем чемпионы Біржан Жақыпов сынды Қазақстанның көк байрағын сан мәрте көкке көтеріп, әнұранын шет елдерде асқақтатқан Чемпиондарды тәрбиелеп шығарған БУДАНБАЕВ ДАМИР БҰЛТБАЙҰЛЫ ағамызбен кездесу өтті.
Тәуелсіздік күні қарсаңында тәуелсіздік алғаннан кейінгі спорттағы жетістіктер туралы мәлімет алып, жас спортшылармен әңгімелесіп, өнегелі кеңестерімен сусындап, өмірлік тәжірибесінде қажетті ақпараттар алсын деген мақсатта ұйымдастырылған жүздесуде спортшыларымыздың танымы көптеген құнды дүниелермен толығып, көкейлеріндегі сұрақтарын қойып, еңбек сіңірген ел ағасына өз өнерлерін де арнады. МИК директоры Г.Р.Анесов Дамир Бұлтбайұлына арнайы АЛҒЫС ХАТ ұсынып, ризашылығын білдірді.
Қоғамдық ұйымдармен байланыс, 2021-2022 оқу жылы
2022 жылғы 5 мамыр күні Нұрпейіс Байғанин атындағы облыстық балалар кітапханасымен бірлесіп, Есет батыр атындағы олимпиада резервінің облыстық мамандандырылған мектеп-интернат-колледжі кітапханасында Совет Одағының батыры І.Үргенішбаевтің туғанына 110 жыл толуына арналған «Батырдың ізін жалғар ұрпағы бар» атты тағзым сағатын өткізді.
2022 жылғы 29 сәуір күні Н.Байғанин атындағы облыстық балалар кітапханасымен бірлесіп, 1 мамыр – Қазақстан халықтарының бірлігі күнінің маңыздылығын көрсету, ұлтаралық қарым-қатынас мәдениетіне тәрбиелеу, «достық», «өзара сыйластық» ұғымдарын ашу мақсатында «Қазақстан – достық мекені » тарих сағатын өткізді. «Достықтың дархан ұясы» атты кітап көрмесіне библиографиялық шолу жүргізілді.
2022 жылғы 13 сәуір күні Н.Байғанин атындағы облыстық балалар кітапханасымен бірлесе отырып, 7 “а”, 8 “б” класс тәрбиеленушілеріне «Оқуға құштар мектеп» жобасы аясында қазақ классик жазушысы Сафуан Шаймерденовтың 100 жылдығына арналған «Қазақ прозасының қазығы» тақырыбында әдеби кеш өтті.
«Қайырлы таң, Ақтөбе» хабары.
Қонақта-біздің Есет батыр атындағы олимпиада резервінің облыстық мамандандырылған мектеп-интернат-колледжі, Бокс бөлімінің бапкері – Кудабаев Айдарбек және жақында ғана өткен WBC Азия чемпионы UBO Әлем чемпионы жерлесіміз-Нұртас Әжбеновтың жүлдесіне арналған, кәсіпқой бокс деңгейіндегі жастар және жасөспірімдер арасындағы «SAUNET BOXING» жекпе-жегінде «Үздік БОКСШЫ» белдігінің иегері, мектебіміздің 11 «Ә» класс оқушысы – Мустафинов Ерасыл, жас спортшымыз 7 «А» класс оқушысы-Болат Ренат.
«Қайырлы таң, Ақтөбе» хабары.
Қонақта-біздің Есет батыр атындағы олимпиада резервінің облыстық мамандандырылған мектеп-интернат-колледжі, Еркін күрес бөлімінің жоғары деңгейдегі, І санаттағы бапкері – Атабаев Медет және ағымдағы жылдың 6-16 сәуір күндері аралығында Қызылорда қ., өткен Грек-рим, еркін және әйелдер күресінен ҚР чемпионатының (U17) 60 келі салмақ дәрежесіндегі алтын жүлдегері, қазіргі таңда мектебіміздің 11 «А» класс оқушысы – Қалиев Ақарыс.
«Геолог» мәдениет үйінде ақын, журналист, Қазақ журналистикасының қайраткері, «Қазақ СТА құрметті профессоры, «Спорт жұлдыздары» республикалық журналының бас редакторы – Мусағали Тасқалиевтің «МАХАББАТҚА ТОЛЫ ЖЫРДАН ҮЗІНДІ…» атты шығармашылық кеші өтті. Аталмыш кешке, біздің Есет батыр атындағы олимпиада резервінің облыстық мамандандырылған мектеп-интернат-колледжінің тәрбиеленушілері қатысып, әдемі кештің көрермені болып қайтты.
Н.Байғанин атындағы облыстық балалар кітапханасында ақпан айының 25-і күні “Адалдық алаңы” жобасы аясында 9″ә” класының оқушыларымен “Менің қояр сұрағым” атты құқық қорғау инспекторымен кездесу сағаты өтті.Кәмелетке толмағандардың істері жөніндегі учаскелік полицей инспекторлары Барлықова Қарлығаш Алтынбекқызы және Құрманғазина Жұмагүл Төлегенқызы қатысып, оқушыларға көптеген мәліметтер берді.
2022 жылдың 14-ақпанында “Геолог” МҮ-де Кеңес Одағы әскерлерінің Ауғанстан жерінен шығарылған күніне орай “Өшпес ерлікке – мәңгі тағзым” атты Ауғанстан ардагерлерімен кездесу өтті. Кеш қонағы Ауған соғысының ардагері, Құрмет орденінің иегері, “Ер-Бақыт” спорттық клубының төрағасы, еліміз үшін аянбай еңбек жасап, көптеген жастарға үлгі болған азамат Қойлыбаев Марат Айтуғанұлы Ауған соғысы туралы өткенді еске алып, мағлұматтар беріп, жастарға патриоттық сезімін оятатын, рух беретін жігерлі сөздерін арнады.
2021 жылғы 14 желтоқсан күні Н.Байғанин атындағы облыстық балалар кітапханасы «Keruen City» сауда-ойын орталығына Қазақстан Республикасы Тәуелсіздігінің 30 жылдығы және Қазақстандағы балалар мен жасөспірімдердің кітап оқуын қолдау Жылы аясында «Тәуелсіздік – ақ батасы атаның, Тәуелсіздік – сәбилердің шаттығы!» патриоттық акциясын ұйымдастырды.
9-желтоқсан күні Қ.Жұбанов атындағы АӨМУ-нің Студенттер Сарайында өткен ережесіз жекпе-жектен әлемнің үш дүркін чемпионы Ардақ Назаровпен кездесуге Есет батыр атындағы ОРОММИК-нің 10-11 “а” класс тәрбиеленушілері қатысып келді. Еркін форматтағы «Жақсы мен жаман» тақырыбындағы жүздесуге зал лық толы жастар, студенттер, жасөспірімдер қатысты.
1 желтоқсан Бүкіләлемдік ЖИТС-ке қарсы күрес күніне орай «Алматы» ауданына қарасты жастармен және ЖИТС орталығының қызметкерлерінің қатысуымен дөңгелек үстелі өтті. Аталған шараға «Геолог» мәдениет үйінің әдіскері Б.Ж Акжигитова және Ақтөбе облыстық СПИД орталығының педагог маманы – Матаева Мерует Канатовна арнайы шақырылып, жүре пайда болған иммунды тапшылық синдромы туралы толық ақпарат беріп және қойылған сұрақтарға жауап берді. Тақырыпқа сай бейнероликтер көрсетілді.
Бүгін, біздің мектепке Ақтөбе облыстық планетарий қызметкерлері келіп «Оңтайлы сандық планетарий күмбезіне» саяхат ұйымдастырды. Әдістемелік бөлім меңгерушісі Г. Шанова, ғылыми қызметкер – Ш. Амангалиеважәне дәріскер – әдіскер А. Қаржауованың Қазақ халқының тарихындағы тұңғыш кәсіпқойбалуаны – Қажымұқан Мұңайтпасовтың 150 жылдығына орай дәріс оқып, кітаптар көрмесіне шолу жасады. Жұлдызды аспанмен, жарық шоқжұлдыздармен , Ғаламның таңғажайып обьективтілерімен таныстырды.
Спортшымен сұхбат жаңа айдарын жас спортшы, Есет батыр атындағы олимпиада резервінің облыстық мамандандырылған мектеп-интернат-колледжі дзюдо бөлімінің 1-ші курс студенті, самбодан спорт шебері, 2021 жылы Ташкентте самбодан жастар арасында өткен Азия Чемпионатының жүлдегері, осы жылдың 10-14 қазан аралығында Грекияда самбодан жастар арасында өткен Әлем Чемпионатының ЧЕМПИОНЫ Бакытжан Аман ашады.Жаттықтырушысы: Кусаинов Мади.
“Рухани жаңғыру” бағдарламасы аясында және білім алушылардың бос уақытын тиімді ұйымдастыру мақсатында 7-класс оқушылары Ақтөбе облыстық тарихи- өлкетану мұражайына саяхат жасады. Экскурсия барысында балалар ерекше әсер алып, рухани байлығын кеңейтіп қайтты.
Қоғамдық ұйымдармен байланыс, 2020-2021 оку жылы
2021 жылы 12 ақпанда «Геолог» мәдениет үйінде Кеңес әскерлерінің Ауғанстан жерінен шығарылғанына 32 жыл толуына орай және жастарды әскери-патриоттық сезімде тәрбиелеумен қатар жасөспірімдер арасындағы құқықбұзушылықтың алдын алу мақсатында, Есет батыр атындағы олимпиада резервінің облыстық мамандандырылған мектеп-интернат-колледжінің 11 класс оқушылары ауған соғысының ардагерлері –М.А Қойлыбаев, Е.Ж Мурсалимовпен өткізілген кездесуде болып қайтты.
Есет батыр атындағы олимпиада резервінің облыстық мамандандырылған мектеп-интернат-колледжінің студенттері Қазақстан Республикасының сыбайлас жемқорлыққа қарсы іс-қимыл агенттігінің бірлескен жоспарына сәйкес, білім беру саласындағы сыбайлас жемқорлыққа қарсы мәдениетті қалыптастыру мақсатында Ақтөбе облысының «Қазақстан-Ақтөбе» телеарнасы ұйымдастырған спорт саласында, спортшылар арасында «Адалдық алаңы» бағдарламасына қатысып, өз ойларымен, пікірлерімен және ұсыныстарымен бөлісті.
Ақтөбе облысының бас арнасы «Қазақстан Ақтөбе» 60 жылдығына орай, Есет батыр атындағы олимпиада резервінің облыстық мамандандырылған мектеп-интернат-колледжінің І курс студенттері ширек ғасырдан артық тарихы бар телеарнаның медиа музейіне барып келді.Осы 60 жыл ішінде жаңалықтардың жаршысы болған, талай спортшылардың жетістіктері туралы хабар таратқан облыстың бас арнасына барлық спортшылар атынан шығармашылық табыс тілеп, арнайы құттықтау хаттарын да қалдырды.
Есет батыр атындағы олимпиада резервінің облыстық мамандандырылған мектеп-интернат-колледжінде Ақтөбе облысы дін істері басқармасы «Аңсар» орталығының теолог маманы- Такеев Нұрлыбек Панабайұлы,«Ер-Бақыт» патриоттық спорт клубының төрағасы – Қойлыбаев Марат Айтуғанұлы, Ақтөбе облысы дене шынықтыру және спорт басқармасының қызметкері – Әлиев Мұрат Құдайбергенұлы және дін мәселелері және қоғаммен байланыс жөніндегі орталық теологы-Ілиясов Бекжан Қуанайұлының қатысуымен «Жастарымыз жат дін етегінде кетпесін» тақырыбында іс-шара өтті.
Қоғамдық ұйымдармен байланыс, 2019-2020 оку жылы
Нұрпейіс Байғанин атындағы облыстық балалар кітапханасының ұйымдастыруымен «Жастар және әдеп» атты дөңгелек үстел өткізілді. Осы шараға Есет батыр атындағы ОРОММИК 8Ә класс оқушылары қатысты. Дөңгелек үстел барысында оқушылар өз белсенділіктерін ерекше көрсетіп, сұрақтарға нақты жауап беріп отырды.
ЖАС ЧЕМПИОНДАРМЕН КЕЗДЕСУ
Грек-рим күресінен Республикалық, Халықаралық турнирлердің жүлдегері, Қытай Халық Республикасы, Тайпэй қаласында өткен Азия чемпионатының жеңімпазы – Ибрашев Дамир және Азия чемпионатының күміс жүлдегері – Жадырасынов Алтынбек Бокс спорт түрі бойынша Республикалық чемпионаттардың жеңімпазы,оқу үздігі – Базарбаев Аралмен бірге Ақтөбе қаласының №15 жалпы білім беретін орта мектебінде өскелең ұрпақтың спортқа деген қызығушылықтарын арттыру, жасөспірімдер арасында құқықбұзушылықтың алдын алу, салауатты өмір салтын ұстануға насихаттау, жеңісті додаларда үздік нәтижелерге қол жеткізе білу және жастарға спортшыларымызды ұлықтау мақсатында кездесу ұйымдастырылды. Чемпиондар және олардың бапкерлері оқушыларға патриоттық тұрғыда келелі әңгіме өрбітті.
Ақтөбе қаласының №40 жалпы білім беретін орта мектебінде Грек-рим күресі бойынша спорт шебері, Жастар арасындағы Республикалық, Халықаралық чемпионаттардың жеңімпазы, біздің мақтаныштарымыз- Жалғасов Даулет, Грек рим күресінен спорт шебері, Республикалық турнирлердің жеңімпазы, ІХ жазғы Спартакиадасының жүлдегері-Абдуалиев Жүсіп және Еркін күрестен Венгрия елі,Будапешт қаласында өткен жасөспірімдер арасындағы Бүкіләлемдік ойынының күміс жүлдегері-Өтегенов Нұрлан,ҚР Чемпионатының, Халықаралық турнирлерінің жеңімпазы-Яндиев Амерхан сынды спорт саңлақтарымызбен кездесу өтті. Кездесуге жас спортшылардың Грек-рим күресі бойынша жаттықтырушылары – Мурзагулов Ерлан және Еркін күрестен бапкер – Атабаев Медет ағайлары да қатысты.
Кеңес Одағы әскерлерінің Ауғанстан жерінен шығарылғаны күніне орай “Геолог” мәдениет үйінде “Ауған соғысы-жүректегі жара” атты Ауған соғысы ардагерлерімен кездесу өтті. Кездесуге 10-11 класс оқушылары қатысып, ардагерлерге сұрақтарын қойып, сұхбаттасып келді.
7 класс тәрбиленушілері облыстық тарихи- өлкетану мұражайына экскурсияға барды.
Қоғамдық ұйымдармен байланыс, 2018 – 2019 оку жылы
8 мамыр күні мектеп-интернат-колледжміздің тәрбиеленушілері құғын – сүргін құрбандарын еске алу, оқиғаны оқушыларға дұрыс терең түсініп беру, оқушының бойына Отан сүйгіштік, патриоттық сезімін, адамгершілік қасиеттерін дарыту мақсатында жерлесіміз, репресия құрбаны профессор, түркітанушы педагог Құдайберген Қуанұлы Жұбанов туралы толық мағлұмат алуға “Ағайынды Жұбановтар” мұражайына барды.
14 мамыр күні 8 класс оқушылары Т.Ахтанов атындағы драма театрында бұрынғы “Сәт” триосының мүшесі Азат Әбілдаевтың “Жұмағың менмін” атты ән кешіне барды.
6 мамыр күні 8 класс оқушылары Ақтөбе облыстық планетарийде 7 мамыр Отан Қорғаушылар күніне және 9 мамыр Ұлы Жеңіс күніне арналған «Еңсесі биік – ұлы жеңіс!» атты патриоттық шараға барып келді. Шараның құрметті қонақтары: Байқоңыр ғарыш айлағының құрылысшысы, демалыстағы полковник Жуасов Кеулімжай, АӨМУ-нің құрметті профессоры, ардагер Өтениязов Сағынбай Досекенұлы қатысты.
Есет батыр атындағы олимпиада резервінің облыстық мамандандырылған мектеп-интернат-колледжінің 10 класс оқушылары АӘД пәнінің мұғалімі Мурсалимов Ермекбай Жеткіншекұлының жетекшілігімен оқу дала жиыны өткізілді. Ақтөбе қаласы Бестамақ елдімекенінің маңында орналасқан Есет Көкіұлы Батырдың кесенесіне барып, рухына тағзым етті. Өскелең ұрпақ Мемориалдық кешенде орналасқан мұражайды тамашалап, батырдың ерлік істерімен тереңірек таныса алды.
Т. Ахтанов атындағы облыстық драма театрында Бауыржан Бабажанұлының 50 жылдық мерейтойына арналған салтанатты шара өткізілді. Шараға Есет батыр атындағы олимпиада резервінің облыстық мамандандырылған мектеп-интерна-колледжінің тәрбиеленушілері қатысып, жергілікті ақынның рухани шығармаларымен сусындап келді.
Есет батыр атындағы ОРОММИК-нің тәрбиеленушілеріне жан – жақты патриоттық тәрбие мақсатында көптеген мекемелермен бірлескен шаралар өткізіліп келеді. Бүгінде “Геолог” мәдениет үйімен тығыз байланысып, “Ауған соғысы … ұмытылмас сол бір кез” атты кешке қатысып, тәрбиелік мәні зор танымдық сабақтың куәсі болды.
1 желтоқсан Бүкіл дүниежүзілік ЖИТС індетіне қарсы күрес күніне орай «Сақтан ұрпақ СПИД деген қатерден» атты ЖҚТБ орталығынан келген М. Матаевамен кездесу өткізілді.
Қоғамдық ұйымдармен байланыс, 2017-2018 оку жылы
Ақтөбе облысының әкімдігінің 2 мамыр 2018 жылдың “Облыстық оқу орындары оқушыларымен 2017-2018 оқу жылында оқу- далалық (лагерьлік) жиынын өткізу туралы” 204 қаулысы негізінде: 2018 жылдың 12 мамыр күні 10 класс тәрбиеленушілері АӘД пәні бойынша әскери оқу-далалық жиындарының бағдарламасына байланысты Есет батыр кесенесіне “Жергілікті жерде карта көмегімен жасалатын қозғалыс” тақырыбында ұйымдастырылған жорыққа қатысты.Әскери жорық кезінде тәрбиеленушілер мен ата-аналар Есет Көкіұлының кесенесінде батырдың руxына құран бағыштап, садақа берді.Батырдың мұражайында оқушыларға өңірдің тариxы мен азаттық үшін күрескен батырлар жөнінде шежіре айтылды.
“Менің құқығым-менің болашағым!” атты апталық аясында Есет батыр атындағы ОРОММИК-нің жоғары класс оқушылары мен студенттері ІІД-нің мұражайына саяхат жасады.
