Оқу ордасының іргетасы 1988 жылы қаланған болатын. Бастапқы кезеңде әскери оқу орны ретінде ашылған бұл мекеме 2016 жылғы 22 сәуірдегі №161 қаулысымен «Есет батыр атындағы спортта дарынды балаларға арналған облыстық мектеп-интернаты» коммуналдық мемлекеттік мекемесі ретінде өзгертілді.Ал 2017 жылы 11 тамыз №279 қаулысымен «Есет батыр атындағы олимпиада резервінің облыстық мамандандырылған мектеп-интернат-колледжі» болып бекітілді
Оқу ғимараты 3 қабатты, 2 бақылау бекеті, 5 қабатты 300 орынды жатақхана және жалпы ауданы 2304 шаршы метр, 700 орындық спорт кешені, стандартқа сай 300 орындық ашық стадионы құрылған.
2019-2020 оқу жылы бойынша 11 класс комплектісі; 242 тәрбиеленуші және 47 студент білім алып, 8 спорт бойынша оқу-жаттығу жұмыстарын жүргізді және 2020-2021 оқу жылының Ақтөбе облысы дене шынықтыру және спорт басқармасының 23.07.2020ж. №64-Ө бұйрығына сәйкес шаңғы спорты қосылып, «Есет батыр атындағы олимпиада резервінің облыстық мамандандырылған мектеп-интернат-колледжі» коммуналдық мемлекеттік мекемесі 9 спорт түрі:
- Еркін күрес
- Грек-рим күресі
- Дзю-до
- Бокс
- Футбол
- Таэквондо
- Ауыр атлетика
- Үстел теннисі
- Шаңғы
бойынша спортшы-оқушыларды даярлайды.