Жаңажол Қуанышбекті Ақтөбе салтанатты түрде қарсы алды! Бүгін Ақтөбе халықаралық әуежайында барша спорт сүйер қауым грек-рим күресінен U17 Әлем чемпионатында топ жарып, алтын медаль жеңіп алған жас чемпион – Жаңажол Қуанышбекті зор құрметпен қарсы алды👏 Грекияның Афина қаласында өткен дүбірлі додада 45 кг салмақта сынға түскен Жаңажол Болгария, Молдова, Иран және Қырғызстан елдерінің балуандарын жеңіп, Әлем чемпионы атанған болатын. Чемпионның жеңісі – барша Ақтөбеліктер үшін зор қуаныш! Біз Жаңажолдың жарқын жеңісін мақтан тұтамыз және алдағы спорттық жолында сәттілік тілейміз! Көк Туымызды биікте желбіреткен балуанға алғысымыз шексіз!